കൊച്ചരിപ്പല്ലുകള് വളരുന്നതിന് മുന്പ്
കുഞ്ഞു കൈകാലുകള് ഉറയ്ക്കുന്നതിന് മുന്പ്
സുറുമ കണ്ണുകള് പിടയ്ക്കുന്നതിന് മുന്പ്
നിന്നില് കാലം ചന്തം കടയുന്നതിന് മുന്പ്
മകളെ നീ ഉറങ്ങുക
നിന് കണ്ണുനീര് എന് കണ്ണില് ഉറങ്ങട്ടെ
നിന് നിശ്വാസം എന് ചൂടില് അമരട്ടെ
നിന് കൊഞ്ചല് എന് മനസ്സില് കളിക്കട്ടെ
നിന് സ്വപ്നങ്ങള് എന് ഹൃത്തില് പൂക്കട്ടെ
മകളെ നീ ഉറങ്ങുക
ജനകന് നിന് ജാരനാകും മുന്പ്
മാതുലര് നിന് ഉറക്കം കെടുത്തു ന്നതിന് മുന്പ്
ജ്യേഷ്ടനാല് നീ തളരുന്നതിന് മുന്പ്
മകളെ നീ ഉറങ്ങുക
തൊട്ടിലുകള് നിന് മണിയറ ആകാതിരിക്കട്ടെ
തെരുവുകളില് നീ ഭോജനമാകതിരിക്കട്ടെ
മദ്യ ശാലകളില് നീ മദിരാശി ആകാതിരിക്കട്ടെ
മകളെ നീ ഉറങ്ങുക
അമ്മ കോടി പുതപ്പിച്ചു തണുപ്പകറ്റാം
കിണ്ടിയില് തുളുമ്പും മുലപ്പാല് ചുണ്ടിലിറ്റിച്ചു
ഉണക്കലരി ഒരു പിടി മാമൂട്ടി
നിലവിളക്ക് കരിംതിരി എരിയാതെ
ഭഗവല് ചരിതം കേട്ട്
മകളെ നീ ഉറങ്ങുക