ഇത് പേരല്ല മരണമാണ്
ഇത് മരുന്നല്ല ദുരന്തമാണ്
ഇതിനു ഗന്ധമുണ്ട്
എരിയുന്ന ചന്ദന തിരിയുടെ ,
മുറി തേങ്ങയില് ആളുന്ന തിരിയുടെ ,
ഒടുവില് ചാണക വരളിയില്
ദാഹിക്കുന്ന മാംസത്തിന്റെ
മനം മടുപ്പിക്കുന്ന ഗന്ധം
ഇതിനു ദാഹമുണ്ട്
മുളപൊട്ടിയ ഭ്രൂണത്തെ കാമിക്കാന് ,
വികൃത രൂപങ്ങള് മെനഞ്ഞെടുക്കാന് ,
കേട്ട മുത്തശ്ശി കഥകളിലെ ചോരയൂറ്റി കുടിക്കുന്ന
സത്വത്തിന്റെ ദാഹം.
പത്ര താളുകളില് ചിരിച്ചു നിന്ന്
ലോക നേതാക്കളുടെ സ്വരമായി
കപട സ്നേഹത്തിന്റെ പല്ലുകാട്ടി
കുത്തക മൂര്ച്ചകൂട്ടിയ ദംഷ്ട ഒളിപ്പിച്ച്
മണ്ണിനെ മനുഷ്യനെ കാര്ന്നു തിന്നു വിശപ്പടക്കി
ഈ കാളകൂടം കുടിച്ചിറക്കാന് ഇന്ന്
ദൈവമില്ല , മനുഷ്യര് മാത്രം.
No comments:
Post a Comment